Iloilo City – Ginareklamo sang pila ka mga residente sang syudad sang Iloilo ang balayran apisar sang lubog nga tubig sang Metro Pacific Iloilo Water.
Kun balik-balikan, napatigayon sang maintenance activity kahapon, Pebrero 21 sa linya sang tubig ang nasambit nga water distribution utility.
Sa interview sang Bombo Radyo kay Elmer Berniz, residente sang Barangay Rizal, La Paz, Iloilo City, iya ginpahayag nga makapila na niya ka bes nga gina-ula ang malubog nga tubig bangud indi man mapuslan sa pagpangglaba kag pagtig-ang.
Suno kay Berniz, indi man magamit ang tubig sa pagpaligo bangud daw kaangay nalang ini sang lunang.
Nahibaluan nga ang paglubog sang tubig kag improvement sang activities sang mga bulk water suppliers ang rason sang maintenance activity.
