Gindepensahan ni Iloilo Provincial Public Information and Community Affairs Office (PICAO) head Nereo Cajilig Lujan ang iya freedom of speech and expression matapos magpahayag sang concern ang Iloilo City Sangguniang Kabataan (SK) Federation President Jelma Krystel C. Implica nahangungod sa pila niya ka Facebook posts nga ginalantaw nagapakita sang hostility batuk sa Iloilo City.
Sa iya written response kay Implica, ginpahayag ni Lujan nga may freedom ang bisan sin-o nga indi magbasa ukon mag-follow sang iya Facebook posts kun wala sila nagakauyon sa iya mga pahayag.
Suno kay Lujan, may yara sang available options sa Facebook kaangay sang unfollow, unfriend kag block, gani indi kinahanglan nga magpadala pa sang formal letter ukon mag-apelar kay Governor Arthur Defensor Jr. agud lang malikawan ang iya mga posts.
Gin-acknowledge man niya ang punto sang SK Federation nga dapat may yara sang responsibilidad ang freedom of expression, ilabi na sa mga nagaserbisyo sa gobyerno.
Apang, ginpahayag ni Lujan nga ang pagka-responsable sa mga public statements wala nagakahulugan nga kinahanglan maghipos ukon likawan ang kristisismo.
Suno sa iya, indi dapat matawag nga iresponsable ang isa ka kritisisml tungod lang may tawo ukon opisyal nga na-offend ukon indi komportable sini.
Ginpunto man niya nga ang kooperasyon kag mutual respect sa tunga sang Iloilo City kag Iloilo Province wala nagakahulugan nga dapat pareho ang opinyon sang tanan ukon indi na mahimo maghatag sang kritisisml sa isa kag isa.
Ginkwestyon man ni Lujan ang sulat sang SK Federation bangud wala suno sa iya gin-identify ang specific Facebook posts ukon statements nga ila ginakwestyon.
Gani, ginpangabay niya si Implica nga kun may yara sang factual inaccuracies sa iya mga posts, dapat ini klaruhon kag ipakita kun ano ang mga pahayag nga sala ukon misleading, agud masabat niya ini pinaagi sa facts kag arguments.
Ginpaathag man ni Lujan nga bilang SK Federation President kag ex-officio member sang Iloilo City Council, importante nga ang leksyon nga itudlo sa mga kabataan amo ang pagpabaskog sang demokrasya pinaagi sa paghatag sang freedom sa mga pumuluyo nga magpamangkot kag magkritiko sa gobyerno.
Ginpahayag man ni Lujan nga ginatahod niya ang kinamatarong ni Implica nga magpahayag sang pagkadismaya ukon mag-criticize sang iya mga Facebook posts, kaangay man nga may kinamatarong siya nga magpahayag sang iya kaugalingon nga opinyon.
