Nabutang sa alang-alang ang kapalaran sang Dallas Mavericks sa Game 2 sang 2024 National Basketball Association (NBA) Finals matapos nalista sa injury report ang best player sini kag All-Star forward nga si Luka Doncic.
Inoras antes ang hampang, ginbutang si Doncic sa “probable” status apang ginpanubo pa gid ini bilang “questionable” para subong nga adlaw.
Regular nga nakabutang ang pangalan sang Slovenian star sa injury report sa postseason bangud sa iya sprain sa tuo nga tuhod kag left ankle soreness, apang subong gindugang pa gid sa lista ang thoracic contusion.
Sang practice sang Sabado, nakita na sang iban nga analysts sa hulag ni Doncic nga nagapalanakit ang dughan sini apang gindugang ang update matapos nga wala ini nagtambong sa media portion sang isa ka hugnat sang practice sang Dallas Domingo sang aga.
Pananglitan makahampang man ang superstar point guard, ginalantaw nga maapektuhan ukon mangin limitado ang performance sini.
Nakapaulan ini sang 30 points, 10 rebounds kag isa ka assist sa sulod sang 38 minutos sa Game 1 apang ginkabos ang Mavs kag ginlutos gihapon sang Celtics, 107-89.
Naka-schedule ang ikaduha nga sambuwa sang Dallas batok sa Boston 8:00 subong nga aga (oras sa Pilipinas) sa amo gihapon nga venue sa TD Garden, Boston, Massachusetts.
