Matapos nga ginkabos sa finals sang 2024 National Basketball Association (NBA), indi man makatapak sa Paris Olympics ang basketball superstar nga si Luka Doncic matapos nga nalutos ang Slovenia sa semifinals sang Olympic qualifying tournament sa Piraeus, Greece.
Nagpanguna ang isa pa ka NBA star nga si Giannis Antetokounmpo agud nga tambakan sang Greece ang Slovenia, 96-68, sa amo nga semifinal match.
21 puntos ang na-skor ni Doncic para sa ila national team nga opisyal na nga na-eliminate sa amo nga tournament.
Maatubang naman si Antetokounmpo kag ang Greece sa Croatia nga amo naman ang naglutos sa Dominican Republic sa pihak nga bracket sang semis, kun sa diin ang winner amo ang makakuha sang ticket para sa Paris.
Matandaan nga madamo nga injuries ang naangkon ni Doncic sa NBA playoffs apang nabuligan ang Mavericks nga makakuha sang isa ka kadalag-an sa NBA finals batok sa nagkampyon nga Boston Celtics.
