Ginbuyagyag sang publicist sang Hollywood star nga si Andre Braugher nga lung cancer ang ginkamatay sini kag pila ka bulan pa lamang ini halin sang na-diagnose sa amo nga balatian.
Nagtaliwan ang nasambit nga 61-anyos nga two-time Emmy Award winning actor sang nagligad lamang nga Lunes.
Pinaka-kilala siya sa iya nga papel bilang Captain Ray Holt sa Brooklyn Nine-Nine kag Detective Frank Pembleton sa Homicide: Life on the Street.
Nakadaog siya sang Emmy sa iya papel sa Homicide sang 1998 kag isa pa ka Emmy sang 2006 sa crime thriller naman nga Thief. Magluwas diri, nakabaton man ini sang apat ka Emmy nominations sa iya papel sa Brooklyn Nine-Nine nga nagdalagan sang walo ka seasons.
Ini magluwas pa sa Golden Globe nominations sa iya papel sa Thief kag sa series nga Gideon’s Crossing. # (Photo Courtesy of Fox)
