ILOILO CITY – Ginapahayag nga may yara sang oversupply sang luy-a sa pila ka bahin sang Luzon.
Suno kay Nueva Vizcaya Agricultural Terminal General Manager Gilbert Cumila, manubo ang baligya-anay sang luy-a sa ila nga lugar.
Dugang pa niya, ang presyo sang luy-a nga manami ang kalidad ang yara na subong sa P32-35 samtang ang mga utod-utod nga luy-a ang yara lamang sa P10-12.
Bangud sini suno sa natungdan, wala na nag-harvest ang iban nga mga mangunguma bangud sa manubo nga presyo sini.
Pahayag dugang sang opisyal, madamo man sang iban nga mga probinsya nga nagatanum kag naga-harvest sang luy-a.
Para kay Cumila, dapat nga hitsuhon ang distribution system sang mga luy-a kag iban pa nga mga utan sa pungsod.
