ILOILO CITY – Ginpaidalom ang Luzon kag Visayas grids sa red kag yellow alert subong nga adlaw.
Suno sa National Grid Corporation of the Philippines (NGCP), nag-epekto ang red alert sa Luzon grid las-2:00 tubtub las-4:00 subong nga hapon kag las-8:00 tubtub las 10:00 karon sa gab-i.
Ang yellow alert sa Luzon grid ang epektibo naman la-1:00 sa hapon tubtub las-2:00 sa hapon, las-4:00 sa hapon tubtub las 5:00 karon sa hapon, las-6:00 sa gab-i tubtub las 8:00 sa gab-i kag las-10:00 sa gab-i tubtub las 11:00 sa gab-i.
Ang available capacity sa Luzon ang yara sa 12,669 megawatts, samtang ang ginalauman nga peak demand ang yara sa 12,228 megawatts.
Ginbutang man ang Visayas grid sa yellow alert las-2:00 sa hapon tubtub las-4:00 subong nga hapon.
May yara naman sang available capacity ang Visayas grid nga 2,904 megawatts kun ipaanggid sa expected peak demand nga 2,532 megawatts.
Gina-isyu ang red alert sa tion nga kulang ang power supply agud malab-ot ang consumer demand kag regulating requirement sang transmission grid.
Gina-isyu naman ang yellow alert sa tion nga kulang ang operating margin agud malab-ot ang contingency requirement sang transmission grid.
