ILOILO CITY- Makaeksperyensiya sang power interruption ang pila ka areas sang Luzon kag Visayas karon sa hapon.
Base sa pahayag sang National Grid Corporation of the Philippines (NGCP), ang manual load dropping (MLD), ukon ang pag-utod sang power bangud sa power supply shortage, ang ginpatigayon agud mapabilin ang integridad sang power system.
Sa Luzon, apektado diri ang Aleco (parts of Albay), Nuvelco (parts of Nueva Vizcaya), kag Quezelco I (parts of Quezon).
Sa Visayas, nalakip sa apektado amo ang More Electric and Power Corporation(parts of Iloilo City), Akelco (parts of Aklan), Anteco (parts of Antique), Capelco (parts of Capiz), Ileco I, Ileco II, Ileco III kag Guimelco
Pahayag sang grid operator, mahimo man nga makansela ang schedule kun mag-improve ang system condition ukon kun ang actual demand ang manubo sang sa projections.
