ILOILO CITY – Naga-umpisa na sa pag akomodar ang M/V Captain John B. Lacson agud nga magserbe bilang temporary shelter sa mga frontliners nga wala sang matiniran.
Sa interview sang Bombo Radyo kay Capt. Jonathan Villaflor, iya ginpahayag nga may yara na sang 13 ka mga mymbro sang Public Safety and Transportation Management Office kag duha ka mga City Health Officers ang nagatinir subong sa nasambit nga barko.
Suno kay Villaflor, may yara sang 200 bed capacity ang M/V Captain John B. Lacson apang indi tanan ang mahimo gamiton agud nga ma practice ang physical distancing.
Pahayag niya, mismo ang Iloilo City Government ang naga desisyon kun sin-o nga mga frontliners ang mahimo nga makatinir sa barko.
Dugang pa sang natungdan, airconditioned ang walo ka mga cabin kag may yara man sang internet connection sa sulod sang M/V Captain John B. Lacson.
