Maalwan nga sahi sang tawo si Guimbal, Iloilo Mayor Oscar “Oca” Garin.
Ini ang pagkilala sang anay gwardya sa nasambit nga alkalde.
Sa interview sang Bombo Radyo kay Renz Genandoy, anay empleyado sang pamilya Garin, iya ginpahayag nga kun may yara sang business trip sadto si Mayor Oca, nagahatag gid ini sang kwarta kag sa pagpauli, wala man sila ginakalimtan sang alkalde bangud may yara man sila sang “pasalubong.”
Masami man nga naga lango-lango sa ila si Mayor Oca bangud kilala ini nga masinadyahon nga sahi sang tawo.
Gindumdom man ni Genandoy ang pagbulig sa iya sang alkalde sang siya ang gin-operahan sa diin ginbaydan sang pamilya Garin ang iya bill sa ospital.
Dugang pa sang natungdan, kun ano katahom subong sang banwa sang Guimbal, ini tanan ang nahimo bangud sa pagpanikasog ni Mayor Oca kag pagpadayon sang iya mga kabataan.
