ILOILO CITY – Ginkumpirma ni Iloilo City Mayor Jerry Treñas nga mabalik na sa syudad si former Mayor Jed Patrick Mabilog.
Sa interview sang Bombo Radyo kay Iloilo City Mayor Jerry Trenas, iya ginpahayag nga ginpalab-ot sa iya ang nasambit nga impormasyon sang anay executive assistant ni Mabilog nga si Mr Jeck Conlu.
Suno kay Trenas, posible nga mabisita ang anay alkalde sa Iloilo City Hall sa Biyernes, Setyembre 13.
Nahibaluan nga sanday Treñas kag Mabilog ang nangin magkaalyado man sadto sa eleksyon.
