ILOILO CITY – Nagalaum si anay Mayor Jed Patrick Mabilog nga untatan na ni Presidente Rodrigo Duterte ang pag-ulamid sa iya ngalan kag sa siyudad sang Iloilo may kaangtanan sa iligal nga droga karon nga wala na ini sa posisyon.
Ginpahayag sang abogado ni Mabilog nga si Atty. Jonar Pueblo sa interview sang Bombo Radyo Iloilo nga ila man ginapangamuyo nga hatagan na sang Duterte administration sang kalinong si Mabilog.
Suno pa kay Atty. Pueblo, may tiyempo na ang anay alkalde sa pamilya sini kag indi na ma-bully sang mga kritiko.
Wala naman makapabutyag ang anay alkalde kun magabalik na ini sa siyudad sang Iloilo.
Ang luyag lang ni Mabilog suno kay Pueblo nga matawhay ang pagserbe sang dismissal order agud indi maapektuhan ang imahe sang Iloilo City sa mga investors.