ILOILO CITY – Pinal na ang desisyon ni former Iloilo City Mayor Jed Patrick Mabilog nga indi ini magpadalagan sa 2025 elections.
Ini ang ginkumpirma ni Mabilog kadungan sang Sulong Gugma Iloilo Proclamation Rally.
Suno kay Mabilog, nagakasubo man ini bangud indi siya makapadalagan.
Apang luyag sini nga mag-angkon sang kalinong sa syudad rason nga nagdesisyon ini nga indi magbalik sa politika.
Sa pihak sini, gin-endorso sa gihapon ni Mabilog ang Team Gugma sa pagpanguna ni Iloilo City Lone District Rep. Julienne ‘Jam Jam’ Baronda.
Nahibaluan nga wala sang kandidato ang Team Gugma sa pagka-Mayor.
Samtang ang Team Uswag ni Raisa Treñas-Chu ang wala man sang kandidato sa pagka-kongresista.
