Mabudlay nga pangitaon ang mga propeidad ukon assets sang pamilya Marcos nga posible amo rason sa madugay nga pagkolekta sini sang gobyerno.
Ini ang kasunod man sa pagkwestyon ni Senator Imee Marcos sa ‘untimely’ nga paghalungkat sang P203 billion nga estate tax liabilities sang ila pamilya.
Sa interview sang Bombo Radyo kay Atty. Noel Palomado, Bombo Abogado, iya ginpahayag nga ginpatumbayaan, kag subong lang amat-amat nga ginapagawa sang mga Marcos ang ila mga kwarta bangud kinahanglan nila nga maggasto sa eleksyon.
Suno kay Atty. Palomado, hugot nga ginabantayan subong sang Bureau of Internal Revenue (BIR) ang posible transactions sa mga bangko sang pamilya Marcos.
