ILOILO CITY – Madamu sang pagbag-o nga ipatuman si incoming Iloilo City Congresswoman Jam-Jam Baronda kadungan sang pag-umpisa sang iya termino.
Sa iya inauguration speech, ginpabugal ni Baronda nga bisan wala pa nag-umpisa ang iya termino bilang mamalidha, madamu na siya sang nahimu nga kaayuhan.
Ang mga nasambit nga programa kag aktibidad ang kabahin sang iya ‘soul responsibility’ bilang pulitiko sa bulig sang ilonggo nga si Sen. Franklin Drilon.
Magluwas diri, ginplastar man ni Baronda ang mga programa nga iya igapatuman sa bulig sang iya mga ka-partido nga pulitiko.
Pila lamang diri amo ang pagkaayo sang Iloilo Fish Port Complex, pagpanghatag sang electric tricycles sa tagsa ka mga barangay council sa syudad kag ang pagkaayo sang mga pantalan sa syudad sang Iloilo.
