ILOILO CITY – Lauman nga maga-abot na sa syudad sang Iloilo ang isa ka daku nga fire truck ukon Super Tanker subong nga semana.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara sang 30 ka fire truck nga gin-purchase sang Bureau of Fire kag ginpanghatag sa mga syudad sa pungsod.
Suno kay Treñas, sa siyam ka truck nga gin-turn over sa Westen Visayas, and syudad sang Iloilo kag Bacolod ang nahatagan sang daku nga fire truck.
Lakip man sa nahatagan sang Super Tanker amo ang Cebu City, Pasay City, kag Pagadian City.
Nagpahayag si Treñas sang pagpasalamat ilabi na kay Presidente Rodrigo Duterte nga amo gid ang personal nga nagturn-over sini sa mga local chief executives.
Suno pa sa natungdan, ginaplanuhan subong sang Iloilo City Government ang pagsaylo sang regional office sang Bureau of Fire sa distrito sang Molo.
Kaangot diri, ginpahayag man ni Treñas nga laptahon ang mga fire trucks sa syudad agud nga mas madasig ang pag-responde sa tion sang sunog.
Suno sa alkalde, isa ini ka daku nga programa bangud pahamtangan sang fire trucks ang mga dalagku nga barangay kag istoryahan pa ang lugar nga mahimo ma-parkingan sang amo nga mga truck.
