Patay sa aksidente ang isa ka manunudlo kag ang iya bana matapos mabungguan sang dump truck ang ginasakyan nila nga tricycle sa Diversion Road nga sakop sang Brgy. Mabuhay, General Santos City.
Ang mga biktima amo sanday Jenefer Gubalani, public school teacher, kag bana nga si Junie nga isa ka tricycle driver kag lunsay residente sang amo nga barangay.
Base sa imbestigasyon, natabo sa kurbadahon nga bahin sang dala ang aksidente kun sa diin naglapaw sa pihak nga lane ang tricycle nga ginamaneho ni Junie gani nabungguan sang nagasugata nga truck.
Nag-angkon sang dalagko nga pilas ang mag-asawa nga gintunaan sang ila kamatayon.
Pilason naman ang isa pa ka sakay sang tricycle nga paryente sang mag-asawa.
Boluntaryo naman nga nagpaidalom sa kustodiya sang otoridad ang driver sang dump truck.
