“Mag-allot siguro tayo ng apat hanggang limang araw depende rin sa family name ng namatay kung sino ang pupwedeng pumunta sa mga sementeryo…” – Roque

Kinahahanglan nga pahanugutan ang mga tawo nga magbisita sa ila mga minatay sa patyo sa tion sang tigkalalag.

Ini ang pahayag ni Presidential Spokesman Atty. Harry Roque.

Suno kay Roque, iya ini irekomenda sa mga myembro sang Inter-Agency Task Force for the Management of Emerging Infectious Diseases (IATF) bilang konsiderasyon sa mga Pilipino.

Nagapati siya nga importante sa mga Pilipino ang tigkalalag.

Sa Mexico kag iban pa nga Latin American countries ang nagaselebrar man sang Dia de los Muertos ukon Day of the Dead sa Nobyembre 1 kag 2.

Panugyan ni Roque, dapat magtigana sang apat tubtob lima ka adlaw para sa mga mapadulong sa patyo kag indi lang sa isa ka adlaw agud nga indi magdagsa ang tawo.

Natalana naman nga magsapol ang mga alkalde sa Metro Manila agud nga ma istoryahan ang mga pagsulundan lakip na ang posible nga pagpapasirado temporaryo sang mga patyo nga ipatuman sa tigkalalag sa palaabuton nga Nobyembre.

Sa subong, ang Manila, San Juan, kag Mandaluyong sa Metro Manila kag Angeles City sa Pampanga ang nagmandu na sang temporary closure sa mga patyo sa All Souls kag All Saints Day agud malikawan ang madamo nga tawo subong nga may COVID-19 pandemic.

Sa mga lugar nga yara sa idalom sang general community quarantine, kinahanglan nga indi magsobra sa 10 ka tawo sa isa ka grupo apang ang desisyon ang nakadepende na sa management sang mga patyo.