GUIMBAL, ILOILO – Nagakahangawa ang mag-amay nga sanday Iloilo 1st District Cong. Richard Garin kag Guimbal Mayor Oscar Garin bangud sa ila nabaton nga pamahog sa kabuhi.
Santo sa ginpadala nga mensahe ni Cong. Garin sa Bombo Radyo, iya ginkumpirma nga may yara sang ginapahayag mandu si Presidente Rodrigo Duterte sa Criminal Investigation and Detection Group (CIDG) nga ipapatay sila nga mag-amay.
Ang nasambit nga ‘assasination’ ang gintalana kun tani kadungan sang Bantayan Festival sang Guimbal, Iloilo sadtong Abril 3 tubtub7, 2019.
Nahibalu-an nga sa subong, wala pa sang ihibalo ang mga otoridad tuhoy sa ginahamtangan sang mag-amay nga Garin matapos ang ginkaulamiran nga kontrobersiya.
Nahibalu-an nga ginreklamo ni Police Staff Sergeant Federico Macaya Jr. sang Guimbal Municipal Police Station ang mag-amay nga Garin bangud sa pagwaslik-poder paagi sa pagdis-arma, pagpanupla, pagpanumbag, pagpanipa kag pagpanaya sang armas-luthang nga ginkaakig ni Presidente Rodrigo Duterte.
