ILOILO CITY – Gina-imbestigaran na ang mag-amay nga pulis sa Passi City, Iloilo nga ginreklamo sang pagpangastigo.
Sa interview sang Bombo Radyo Iloilo, ginpahayag sang biktima nga si Avelino Perez sang Barangay Gegacjac, Passi City, ginpulihan siya sang mag-amay nga sanday PO2 James Pedroso kag retired officer Onyok Pedroso kadungan sang bisperas sang fiesta sa ila lugar.
Suno kay Perez, nagkadto siya sa baylehan agud sugaton ang iya anak apang ginpilit siya nga rekisahon sang mag-amay nga pulis.
Sang iya i-surrender ang dala nga armas, ginpulihan kuno siya sang mag-amay.
Ginpahayag sa Bombo Radyo ni Police Supt. Ruby Gumban, hepe sang Passi City PNP, nakabaton sila sang impormasyon nga si Perez man ang nagsugod sang gamo.
Apang wala man nila ginabalewala ang posibilidad nga may kapaltahan man ang mga pulis.