Patay ang mag-amay matapos nga nagbato sa otoridad sa buy bust operation sa Datu Odin Sinsuat, Maguindanao del Norte.
Ginpahayag nga nagpalupok sang pusil ang mga suspek sang mamutikan nga mga pulis ang ila nga ka-transakyon.
Nagbalos ang mga otoridad kag naigo ang amay kag ang anak sini.
Arestado naman ang 18-anyos pa nga bata sang suspek samtang isa pa ang nakapalagyo.
Ginakabig nga high value target ang mga mag-amay.
Kapin P1.6 million ang balor sang illegal nga druga ang nakuha sa mga ini.
May narekober man nga pusil kag magasin.
Kaso nga paglapas sa Comprehensive Dangerous Drugs Act (RA 9165) ang atubangon sang isa ka arestado nga anak.
