Pilason ang mag-asawa matapos gintiro sang isa ka dismissed police sa Brgy. Old Cabalan, Olongapo City, Zambales.
Ang mag-asawa nga biktima amo sanday Dennis, 52-anyos, kag Rowena, 54-anyos.
Ang suspek naman amo si alyas “Jerry”, 41-anyos.
Natabo ang insidente sa atubang mismo sang balay sang mag-asawa.
Ginpahayag nga bag-o lang nakasampot sakay sa ila salakyan ang mga biktima sang ginpalukpan sang suspek.
Naigo sa tiyan kag abaga ang bana samtang nadaplisan sa ulo ang asawa.
Natigayon naman nga madakpan ang suspek sa bulig sang mga kaingod-balay sang mga biktima.
Nagapangatubang ini subong sang 2 counts sang frustrated murder.
Ginalantaw nga personal nga kaakig ang rason sang krimen.
