Patay ang apat ka miyembro sang pamilya matapos nagbunggo ang ila ginasakyan nga angkar-angkar nga tricycle sa isa ka kahoy nga nagabalabag sa highway sa Brgy. Bayambang, Infanta, Pangasinan.
Kalakip sa napatay ang asawa nga nagabusong, bana, kag ila duha ka kabataan.
Suno sa imbestigasyon, matapos nagbunggo sa kahoy, nagdiretso sa pagbunggo sa isa ka van ang ila ginasakyan.
Sa impact sang pagkabunggo, nagtabog sa karsada ang apat ka biktima.
Gindala pa sa ospital ang mga ini apang gindeklarar nga dead on arrival.
Ginpaidalom naman sa kustodya sang kapulisan ang driver sang nasambit nga van.
