Patay ang tatlo ka miyembro sang pamilya matapos ginpaarakan luthang sa ila balay sa Murcia, Negros Occidental.
Ang mga biktima amo sanday Neldi, 59, asawa nga si Josephine Celayes, 60, kag anak nila nga si Jovi, 33.
Suno sa pulis, isa ka residente ang nakakita sa bangkay sang anak nga biktima sa gwa sang ila balay sa Barangay Buenavista.
Nasapwan naman ang bangkay ni Josephine sa gwa sang balay kag malapit sa balkonahe ang lawas ni Neldi.
Pareho nga may mga igo sang bala sa nawong ang mga biktima.
Suno sa isa nila ka himata, may nabatian nga lupok sang gab-i antes nasapwan ang mga biktima.
Posible nga nagahanda sang panyapon ang mga ini sang ginluthang sang wala pa matumod nga mga criminal.
Away sa duta ang ginatan-aw nga motibo sa krimen.
