ILOILO CITY – Kritikal ang mag-asawa matapos nabunggu-an sang puti nga sports car sa Diversion Road, Mandurriao, Iloilo City.
Sa interview sang Bombo Radyo kay John Lloyd, nakakita sa aksidente, iya ginpahayag nga nagamaneho siya sang motorsiklo sang nakita ang pagbunggo sang sports car sa mag-asawa.
Iya pa nga nakita suno kay John Lloyd ang pagtabog sang babayi nga biktima samtang nagatabok sa pedestrian lane.
Gindala na sa ospital ang wala pa nakilala nga mga biktima nga nakasuksuk sang sports attire.
Ang driver sang sports car ang ginkilala kay June Paul Rufino Valencia kag yara na sa pag-inakop sang Mandurriao PNP.
Padulong sa direksyon sang SM City Iloilo ang sports car sang natabo ang aksidente.
