Dakop ang mag-asawa sa ginpatigayon nga drug buy-bust operation sang Iloilo City Police Station (ICPS) 4 sa Brgy. South Baluarte, Molo, Iloilo City.
Ang mga subject amo kanday Alyas Libat, manugbaligya sang isda, kag Alyas Sugar, lunsay residente sang nasambit nga barangay.
Sa interview sang Bombo Radyo kay Police Captain Ryan Christ Inot, hepe sang ICPS 4, iya ginpahayag nga utod sang aktibo nga barangay kagawad si Alyas Libat kag yara ang mga ini sa Barangay Drug Abuse Council (BADAC) List.
Naglab-ot naman sa duha ka semana ang monitoring sa duha antes natigayon ang operasyon.
Natigayon nga makumpiskar sa ila paghinakop ang 30 ka gramos sang ginapasuni iligal nga droga nga may standard drug price nga P204,000.
Sa subong, yara ang mga ini sa paghinakop sang ICPS 4 kag posible magapangatubang sang panumbungon nga paglapas sa Republic Act 9165 ukon Comprehensive Dangerous Act of 2002.
(Article: Bombo Phauline Pillora)
