ILOILO CITY- Normal lang nga sa isa ka pamilya may yara gid ya sang grabe kun maghuragok.
Kun kaisa, maham-ot ka apang kun kaisa, maugot ka man ilabi na kun ikaw indi na matulugan bangud sa ila paghuragok.
Apang didto sa Jordan, may yara sang isa ka pamilya nga bangud sa huragok, nagresulta pa sa pag-diborsyo sang mag-asawa.
Ini matapos nga gin-kuhaan sang video sang isa ka asawa ang nagahuragok nga nanay sang iya bana.
Gin-upload niya ini sa social media nga ginkaakig naman sang bana.
Bangud sini, nag-file sang divorce ang lalaki kag natigayon gid ang ila pagbulagay.
Nahibaluan nga sang 2016, ang Jordan ang may pinakamataas nga divorce rate sa Middle East, kag base sa Department of Statistics,ang numero sang divorces sang 2016 ang yara sa 21,969 gikan sa 1,000 sang 2011.
