Patay ang tatlo ka myembro sang isa ka pamilya matapos ginlamon sang kalayo ang ila nga balay sa natabo nga sunog sa Brgy. Infante, Molo, Iloilo City.
Ang mga biktima amo ang mag-asawa nga sanday Julius Reyes kag Louelyn Reyes nga pareho nga manunudlo sa Iloilo City, kag ang ila nga anak nga si Amber Marie nga yara sa 7-anyos.
Sa interview sang Bombo Radyo kay Punong Barangay Herman Kilayko sang Infante, Molo, iya ginpahayag nga samtang nagakasunog ang balay, nabatian pa ang tingog sang mga biktima nga nagapangayo sang bulig.
Gintinguhaan pa sila nga salbaron apang nakakandado ang fire exit sang ila balay kag nagadako pa gid ang apoy.
Nahibaluan nga may gibnasuprir nga hapo ang mga biktima nga mahimo rason sang ila madasig nga pagkalipong tubtob nga wala na sila makaluwas.
Human sa light materials ang balay gani madasig nga ginkaon sang kalayo.
Padayon pa nga ginahibalo ang ginhalinan ang sunog.
