ILOILO CITY – Ginahuring-huring nga bulagay na ang mag-asawa nga singer nga si Moira dela Torre kag Jason Hernandez.
Ini matapos man nga ginpanas sang hugot hitmaker ang pila ka litrato nila ni Jason kag nagpadulong sa gwa sang pungsod nga indi ini upod.
Nagtunog pagid ang huring-huring bangud isa ka adlaw antes ang pagpanas sang mga litrato, nag-post si Jason sang lyrics sang kanta nahanungod sa paandam sa isa ka special someone nga maabot nga mahimo makatuga sang sakit sa balatyagon sa tion nga mahibaluan ang isa ka dako nga sala.
Nagdugang pagid ang kabalaka sa mga fans bangud gin-like ni Moira ang amo nga post sang iya bana.
Apang, sang damlag lang, nag-post sang Instagram stories si Moira sang paborito ni Jason nga lobster ukon banagan kag gin-tag ang bana.
Gin-repost man ini ni Jason nga may caption nga “I want!”
Nahibaluan nga ang duha ang ginkasal sang 2019 kag tubtob subong, wala pa nakahatag sang ila official statement natuhoy diri.
