Napatay gid ang isa ka lalaki nga street sweeper samtang kritikal ang iya asawa matapos ginbungguan sang isa ka pickup truck samtang nagapanilhig sa karsada sa Mandaue City, Cebu.
Suno sa otoridad, antes ang insidente, gin-updan sang lalaki nga biktima ang iya asawa nga tinawo sang Clean and Green sang munisipyo.
Gindala ang mag-asawa sa ospital apang ginbawian gid sang kabuhi ang lalaki.
Nag-angkon naman sang malala nga pilas ang asawa.
Ginpasungka naman sang iloy sang driver sang pickup truck ang iya 21-anyos nga anak nga amo ang nakabunggo sa mag-asawa.
Padayon pa ang imbestigasyon sang kapulisan sa insidente.
