Patay ang mag-asawa matapos ginbuno sang ila umagad sa Sitio Ilawod, Brgy. Aguilar, San Lorenzo, Guimaras.
Ang mga biktima amo sanday Estilita Casamayor kag Jose Casamayor.
Ang suspek amo si Reymund Coquingan, 39, residente sang Montpiller, Buenavista, Guimaras.
Base sa imbestigasyon sang otoridad, yara sa tiangge ang mag-asawa nga lunsay senior citizens sang nag-abot ang suspek nga sakay sa motorsiklo kag ginaalegar nga hubog ini.
Ginpahayag nga ginsinggitan sang suspek ang mga biktima nga pangbun-on niya ini tubtob nga may nagluntad nga komosyon.
Didto na ginpangbuno sang suspek ang mga biktima.
Nahingagaw pa nga madala sa ospital ang mga ini apang gindeklarar nga dead-on-arrival.
Naggwa sa imbestigasyon nga posible rason sa krimen ang pagkontra sang mag-asawa nga paistaron sang suspek ang iya bag-o nga karelasyon sa balay sa ila balay sang isa asawa nga napatay.
Natigayon naman nga madakpan sang otoridad ang suspek ka preso na sa San Lorenzo Municipal Police Station.
