ILOILO CITY – Dakop ang magbayaw sa buy bust operation sa Kirsty Restaurant sa Solis St., Barangay Danao, Iloilo City.
Ginkilala ang mga arestado nga sanday Dirk Ciudadano kag bilas nga si Ryan Hablero, nagapanag-iya sang nahinambitan nga kalan-an.
Sa interview sang Bombo Radyo kay Punong Barangay Gilda Pacificar, ginpahayag sini nga nagsungka sadto si Dirk nilang user sang iligal nga druga apang nagpamalibad nga magpaidalom sa treatment kag rehabilitation.
Suno naman sa utod ni Dirk nga si Kirsty, nahibaluan nila sang una nga naga-gamit gid man siya sang iligal nga droga apang ginpauntat nila ini kag ginkakibot gid lamang nga nagapadayon pa ini sa pagbaligya sang iligal nga druga.
Sa interview naman sang Bombo Radyo sa arestado nga si Dirk, ginpanginwala niya nga nagahupot ini sang mga sachets sang suspected shabu kag gin-insister nga nagapungko lang siya sa sulod sang restaurant sang gulpi lang siya ginpahapa kag ginpasuhutan sang iligal nga druga.