ILOILO CITY – Duha ang patay matapos masunog ang ila puluy-an sa Barangay Salvacion, Buenavista, Guimaras kaina sang kaagahon.
Ang mga biktima amu ang mag-iloy nga Ledonia Querubin, 89-anyos, kag bata sini nga si Rosario Querubin, 69-anyos.
Sa interview sang Bombo Radyo, ginpahayag ni PO3 Jay Padilla sang Buenavista Police Station, himo sa light materials ang puluy-an sang mag-iloy.
Indi na makatindog si Rosario samtang mabudlay man nga sudlon sang firetruck ang nasunog nga balay rason nga wala ang mga ini maluwas.
Sa imbestigasyon sang Buenavista PNP, natumba ang kingki nga gina-gamit sang mga biktima, nga gintunaan sang sunog.