Pilason ang mag-iloy matapos ginpulihan labo kag buno sang mag-amay sa Valderrama, Antique.
Ang mga biktima amo sanday alyas Telma, 73-anyos kag iya anak nga si alyas Ryan, 35-anyos kag isa ka mangunguma.
Ang mga suspek amo sanday alyas Gilbert kag si alyas Jason.
Ang mga ini ang lunsay pumuluyo sang Sitio Tigmasin, Barangay Lublub sa amo nga banwa.
Suno sa Valderrama PNP, sa inisyal nga imbestigasyon, updanay nga nagainom ang involved nga kabataan kun sa diin ginhangkat ni Jason si Ryan sang inaway.
Nagpauli si Ryan sa ila balay apang nagsunod ang mag-amay nga Jason kag Gilbert.
Didto na ginlabo ni Jason si Ryan nga naigo sa ulo.
Nagtambag naman ang iloy nga si Telma apang ginbuno man ini ni Gilbert kag naigo sa abaga.
Matapos ang insidente, nalagyo ang mag-amay nga suspek.
Nahingagaw naman nga madala sa ospital ang mag-iloy.
Natigayon naman nga madakpan sang otoridad ang mag-amay kag natalana nga pasakaan sang kaso.
