JARO, ILOILO CITY – Dakop ang mag live-in partner sa ginpatigayon nga drug buy bust operation sa Barangay San Isidro, Jaro, Iloilo City.
Ini amo sanday Vincent Pastrana, 39, kag Mia Zarah Sulpico, 34, lunsay residente sang nasambit nga lugar.
Sa interview sang Bombo Radyo kay Police Lt. Col. Antonio Benitez Jr., pinuno sang Iloilo City Drug Enforcement Unit, iya ginpahayag nga nabaklan ang mga ini sang police poseur buyer sang 11 tanan ka mga sachets sang suspected shabu balor ₱238,000.
Sa subong, preso na ini sa Jaro Police Station kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
