Iloilo City – Dakop sa ginpatigayon nga buy bust operation ang mag live-in partner sa Ledesma Street, Barangay Gloria, Iloilo City.
Ang arestado amo sanday Robert Martinez, 43, residente sang Brgy. Tanza Esperanza, City Proper kag Glory Uriarte, 37, residente sang Brgy. Villa Anita, City Proper.
Sa interview sang Bombo Radyo kay Police Captain Mavin Laraño, hepe sang Iloilo City Police Station 1, iya ginpahayag nga nakuha sa mga durugista ang pulo tanan ka mga sachet sang suspected shabu nga nagabalor sang P20,000 kag iban pa nga drug paraphernalias.
Nanawagan naman ang natungdan sa mga durugista nga untaton na ang ila opisyo bangud ang mga kapulisan ang yara lang nga nagatutok sa pagdakop sa mga ini.
Preso na subong ang duha sa Iloilo City Proper Police Station kag magapangatubang sang kaso nga paglapas sa Republic Act 9165 ukon ang Comprehensive Dangerous Drugs Act of 2002- Sections 5, 11, kag 26.
