Patay ang mag-live in partner matapos nabungguan sang awto ang ila ginasakyan nga motorsiklo sa Sitio Taras, Barangay Natividad, Barotac Viejo, Iloilo.
Ang mga biktima amo sanday Lysander Leslie Lapidez, 50, kag Lea Pormacion, 31, mga residente sang Barangay Alalasan, Lapuz, Iloilo City.
Sa interview sang Bombo Radyo kay Police Captain Ken Albert Lepsia, hepe sang Barotac Viejo Municipal Police Station, iya ginpahayag nga nakaangkon sang pilas sa ulo kag bali sa tiil si Lapidez samtang may pilas man sa lawas si Pormacion.
Nasunog gid ang motorsiklo sa tunga sang dalan samtang nagtabog naman ang mga biktima upod sa direksyon sang awto.
Ang awto ang ginamaneho ni Felix John Penticase, 27 anyos, residente sang Barangay Mostro, Anilao, Iloilo.
Padulong sa Iloilo City ang motorsiklo kag padulong naman sa Barotac Viejo ang awto sang natabo ang aksidente sa kurbada nga bahin sang dalanon.
Ginapahayag nang-agaw sang lane ang awto kag base sa inisyal nga imbestigasyon sang mga pulis, nakainom ang driver kag ang kaupod sini sa salakyan.
Ang duha ang lunsay gin-detain sa Barotac Viejo Police Station samtang nagapadayon pa ang imbestigasyon.
