Yara na sa maayo nga kahimtangan ang mag-lola nga gin-hostage sa Brgy. Gemat-y, Passi City, Iloilo matapos nga nakapalagyo ang suspek.
Ginkilala ang suspek kay alyas Lester, 33-anyos kag isa ka drug surrenderee.
Samtang, ang mga biktima amo ang iya iloy nga naga-edad 68-anyos kag nagasuprer sang balatian sa corazon, kag ang isa ka biktima naman amo ang iya mismo manug pito ka tuig nga bata.
Sa interview sang Bombo Radyo kay PLT. Charina Pagmanoja, Deputy Operation Officer sang Passi City Police Station, iya ginpahayag nga hostage taking ang natabo bangud nga wala ginatugutan sang suspek maggwa ang mag-lola sa ila puluy-an.
Nahibaluan man nga armado ang suspek kag yara sa impluwensya sang makahulubog nga ilimnon.
Sa subong, padayon pa ang hot pursuit operation sang mga otoridad matapos nakapalagyo sa katubuhan ang suspek.
By: Bombo Krylle Melliza/Bombo Phauline Pillora
