ILOILO CITY – Nagapati si Iloilo City Lone District Rep. Julienne ‘Jamjam’ Baronda nga mas importante ang unity ukon paghugpong sang mga pumuluyo sa Pilipinas.
Ini ang kasunod man sang pagwas-ag sang Uniteam nanday President Ferdinand Marcos Jr. kag Vice President Sara Duterte.
Sa interview sang Bombo Radyo kay Baronda, iya ginpahayag nga kinahanglan na sang mga pumuluyo nga mag-move on sa nagakatabo sa politika sa national level.
Nagalaom si Baronda nga makapangita na si President Marcos sang mabulos bilang bag-o nga tiglikom sang Department of Education.
Kuntani suno sa mamalidha, respetuhon sang tanan ang desisyon ni sang bise presidente nga pag-resign sa gabinete sang Marcos administration.
