Nasapwan nga patay ang mag-utod nga lunsay babaye nga puno sang pilas sang pagkalabo kag utod pa ang butkon sang isa sa ila.
Natabo ini sa Naga City, Camarines Sur.
Ang mga biktima amo sanday alyas Zeny, 27-anyos, college student kag Cherry Ann, 25-anyos, kag lunsay residente sang San Fernando, Camarines Sur.
Ang person-of-interest kag ginapangita subong amo ang live-in partner ni Zeny nga si alyas “Ram”, 35-anyos.
Base sa report, nakit-an sang pila ka residente ang duguon nga lawas ni Zeny nga may pilas sa abag, liog kag utod ang isa ka butkon sa gwa sang isa ka subdivision.
Makaligad ang pila ka oras, nakit-an naman ang bangkay ni Cherry Ann sa lain nga lugar kag may pilas sa dughan kag naputos sa habol ang lawas.
Nahibaluan nga magkaupod sa ila lang kay balay ang mag-utod kag ang person-of-interest.
Padayon pa subong ang imbestigasyon sa insidente.
