Patay ang isa ka amay matapos ginsunog sang iya duha ka mga anak nga babaye.
Natabo ini sa Pakistan.
Ginpahayag nga pamaagi ini sang mag-utod nga magbalos bangud sulit-sulit sila nga ginhimuslan sang ila amay.
Base sa imbestigasyon, nagkuha sang gasolina ang mag-utod kag ginbubuan ang ila amay samtang tulog ini kag gilayon nga ginsindihan.
Nadala pa sa ospital ang amay apang ginbawian gid sang kabuhi.
Suno naman sa mag-utod, isa ka tuig na nga ginahimuslan sang suspek ang magulang samtang duha ka beses naman nga gintuyo nga himuslan ang manghod.
Nahibaluan nga lain-lain ang iloy sang duha kag isa lang ang ila amay.
May ihibalo naman ang ila mga iloy sa ginahimo sang ila amay.
Gin-aresto ang isa sa mga iloy samtang ginpaidalom naman sa imbestigasyon ang isa pa.
Yara man sa kustodiya sang otoridad ang mag-utod.
