Patay ang duha ka mag-utod matapos ang nagluntad nga pagpanglabo kag pagpangluthang sa Brgy. Bo. Laua-an, Laua-an, Antique, pasado las-3:00 kahapon sang hapon, Marso 11, 2026.
Ang mga biktima amo sanday alyas Isagani, 35-anyos, isa ka mangunguma, kaupod sini si alyas Randy, 30-anyos kag isa ka laborer nga pareho residente sang amo nga lugar.
Pilason naman si alyas Michael, 40-anyos kag utod sang mga suspek nga sanday alyas Joemar, 26-anyos, isa ka SK Chairman, kaupod sini si alyas Gerald, 27-anyos nga residente sang Brgy. Magyapo, Laua-an, Antique.
Suno sa Laua-an Municipal Police Station, daan nga hiligut-anon sang magpamilya ang rason sang amo nga krimen.
Yara naman sa kustodiya sang Laua-an MPS si Gerald kag magapangatubang sang nagakaigo nga kaso.
