MANILA – Mahimo nga iga-anunsyo ni Presidente Rodrigo Duterte buwas, Agosto 31, ang magabulos kay Brigadier General Ricardo Morales bilang Presidente kag Chief Executive Officer sang Philippine Health Insurance Corporation (PhilHealth).
Suno kay Senator Christopher “Bong” Go, ginabinag-binag pa sang Presidente kun sin-o ang nagakadapat nga magbulos kay Morales.
Ginpahayag ni Go nga luyag sang Presidente nga ang masunod nga PhilHealth President and CEO ang may willpower agud mabag-o ang garuk nga sistema sang ahensya.
Nahibalu-an nga ginapanindugan sang resigned PhilHealth chief nga indi siya ang nagaserbe nga protektor sang mga kurap nga opisyal sa nasambit nga state insurer.
