Ang gahod nga aton mabatian sa aton palibot ang normal na nga kabahin sang aton nga pagpangabuhi.
Apang ang wala naton nahibaluan nga amat-amat na nga gina-guba ang aton dulunggan bangud sa nagkalain-lain nga huni nga aton mabatian.
Santu sa pagtuon sang World Health Organization (WHO), ang noise pollution ang ika-tatlo sa pinakadako nga problema sa polusyon.
Dako man ang epekto sang gahod sa ikaayong lawas sang tawo.
Kasunod sini ang stress nga mahimo mangin epekto sang pagtaas sang presyon sang dugo nga mahimo magtuga sa atake sa tagipusuon.
Wala man sang bulong sa pagkabungol, gani kun indi ka na makabati, indi na ini mahimo nga mabalik pa.
Kakulang sa ihibalo ang isa sa mga rason kun ngaa nagadamo ang tawo nga nagabungol sa Pilipinas.
Nahibaluan nga wala sang layi ukon regulasyon nga direkta nga nagahatag sang solusyon sa nagalala nga problema sang noise pollution.
