Gindepensahan ni Miss Universe Philippines 2nd Runner Up Michele Gumabao si Miss Universe Philippines Rabiya Mateo matapos ini gintawag sang isa ka netizen nga malaw-ay.
Sa instagram, nagpost sang picture si Michele sa diin nagkomento ang isa ka netizen kun ngaa napiyerde ini sa taga Iloilo nga gintawag niya nga “panget” ukon law-ay.
Suno pa sa netizen, daw kaangay nga gindaya si Michele.
Nagbalos man sang komento si Michele sa netizen kag ginpahayag nga matahom ukon maanyag sila tanan.
Sa pihak sini, nagpasalamat sa gihapon si Michele sa suporta nga iya nabaton.
