ILOILO CITY – Magapadayon ang pagpatigayon sang santos nga misa sa mga simbahan sa syudad kag probinsya sang Iloilo.
Sa interview sang Bombo Radyo kay Fr. Angelo Colada, Director sang Social Communications sang Archdiocese of Jaro iya ginpahayag nga base sa pagsulundan nga ginhatag sang Inter-Agency Task Force mahimo na nga makapatigayon sa santos nga misa ang mga simbahan sa mga lugar nga yara na sa idalom sang General Community Quarantine.
Sa pihak sini nagakadapat nga limitahan sa 10 ka tawo ang makatambong sa misa agud man maobserbar ang physical distancing.
Suno kay Colada, magapadayon man ang pagpatigayon sang online mass para sa mga pumuluyo nga indi makapadulong sa simbahan.
Dugang sang natungdan, mahimo man nga makapahamtang sang trumpa ang kada barangay sa ila simbahan agud mabatian sang tanan nga mga pumuluyo.
