Napatay ang magkahagugma nga kalaslon na kuntani sang maaksidente ang truck nga ila nga sinasakyan sa San Emilio, Ilocos Sur.
Ang mga biktima amo sanday Ibrahim Cardenas, 26-anyos, kag Fatima Claire Pis-oy, 25-anyos, pareho nga residente sang Barangay Cabaroan sa San Emilio.
Nagasakay sa truck nga ginamaneho ni Cardenas ang duha sang nagluntad ang insidente samtang nagabyahe sila sa Barangay Paltoc.
Ginpahayag nga nadulaan sang kontrol si Cardenas sa salakyan kag wala naghawid ang preno sang truck tubtob nga nagbaliskad ang truck.
Nag-angkon sang mga pilas ang duha kag gindeklarar nga dead on arrival sa ospital.
