Kadam-an sa mga babaye nga nagahandom nga makasal sa pila ka adlaw ang nagahandom man sang matahum kag enggrande nga wedding celebration.
Apang para sa isa ka bride sa India, bisan sa tunga pa sang baha, handa siya nga magpakasal agud maka-upod tubtob sa ulihe ang iya pinalangga sa kabuhi.
Apisar nag-igo ang mabaskog nga pag-ulan nga nagresulta sa pagbaha sa nabagatnan nga bahin sang Kerala, India sang tinalikdan nga Oktubre, wala sa gihapon nagdumdum ang Indian Couple nga i-kansela ang ila nga big day.
Sa tunga sang dangat sa hawak nga tubig baha, nagsakay ang couple sa malapad nga kaldero nga gin-paddle ukon gintulod sang duha ka lalaki kag isa ka photographer padulong sa templo kun sa diin nagbayluhanay ang magkahagugma sang floral garlands — isa ka tradisyon sa Hindu wedding ceremonies.
Suno sa bride, pinaka-espesyal ang iya nga wedding day bangud napamatud-an niya nga bisan ano man nga kalamidad ang mag-abot, handa siya nga atubangon ini basta kaupod lang ang iya partner sa kabuhi.
