ILOILO – Pilason ang magkahagugma matapos nadagdag sa pil-as ang ginasakyan nga motorsiklo sa barangay Maliao, Leon, Iloilo.
Ang nobya amo si Regine Velez, 20, residente sang barangay Binolosan Grande, Calinog, Iloilo.
Samtang ang nobyo naman amo si Kirby Obiganda, legal ang edad kag residente sang Arroyo St., Sta. Barbara, Iloilo.
Sa interview sang Bombo Radyo kay Police Lieutenant Sammy Gasataya, hepe sang Leon Municipal Police Station, iya ginpahayag nga naghalin ang magkahugma sa Brgy. Bucari, Leon, Iloilo kag padulong na sa Poblacion, Leon sang nadulaan sang preno si Obiganda sa kurbadahon nga bahin sang dalan kag nahulog ang ginasakyan nga motorsiklo sa pil-as.
Suno kay Gasataya, nag-angkon sang pilas sa agtang, wala nga kamot kag liog si Velez.
Samtang unconscious naman si Obiganda.
Gilayon naman nga gindala sang mga otoridad ang magkahagugma sa ALEOSAN District Hospital agud madapatan sang nagakaigo nga pagbulong.
