Patay ang isa ka nobyo samtang pilason naman ang iya nobya matapos sila nga ginpaulanan luthang sang wala pa nakilala nga kriminal samtang nagapangape ang mga biktima sa Brgy. Calendola, San Pedro, Laguna.
Ang napatay amo si Elldon Mateo, negosyante kag residente sang nasambit nga barangay, samtang ang nobya sini amo si Daphne Marie Go, 24-anyos.
Suno sa San Pedro City Police Station, nagapangape ang mga biktima sa isa ka coffee shop sang nagpalapit ang isa ka suspek kag hinali lang ginpangluthang ang mga biktima.
Nag-angkon si Mateo sang bala sa iya ulo nga amo ang rason sang iya kamatayon samtang igo naman sa abaga ang naangkon sang nobya.
Madasig naman nga nagpalagyo ang suspek kag isa pa nga kaupod sini sakay sa motorsiklo.
